انطباعي عن المقرر

هالمادة كانت جدا غير عن أي مادة اخذتها بالجامعة اول شي لان مقرر عملي مو نظري وصراحة وايد استفدت وتعلمت أشياء يديدة خلتني اكتسب خبرة وهالمقرر صج غير لان اللي تعلمته راح يضل بالذاكرة عكس المقررات اللي ادرس فيها بس عشان اقدم امتحان ومن الأمور اللي حبيتها وميزت هالمادة طرق تدريس الدكتور عيسى النشمي طرق غير تقليدية وكل كلاس نتعلم منه شي يديد والحلو ان نطبق بنفس الوقت ومن وجهة نظري الدكتو عيسى بينلي ان صج اهوا دكتور مهتم وحاب التدريس واللي يميزه ويميز كلاسه ان عارف فيه كل طالبة من طالباته يعني مو نفس المواد الثانية اللي اخلص منها والدكتور مايعرف شي عن طلبته وطبعا واجهتني بعض الصعوبات بالمادة بالبداية حسيت مضغوطة ووقت التصوير للواجبات ماكان عندي كاميرا وخذيت كاميرا اختي واخذت مايك لتصوير المقابلات من رفيجتي لان ماعرفت من وين اشتريه وأكثر شي ونسني وخله المادة تتسهل وحبيت المادة والشغل الجماعي اهما قروبي وزميلاتي نور الشويب وتهاني العنزي وروان العنزي وشيخة الشمري تشرفت بمعرفتهم وبالاخير اشكر الدكتور عيسى النشمي على كل شي قدمه لنا بالكورس وراح يضل دكتور اللي اسولف فيه وامدحه حتى بعد مااتخرج

كتبتها بالعامي عشان اخذ راحتي بالكلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s